İran Dünya İnternetinin Əsas Xəttinə Nəzarət Etməyə Çalışır
Konsensus.az CNN-ə istinadən xəbər verir ki, Hörmüz Boğazındakı son gərginliklərdən sonra İran təsirini artırmaq üçün yeni bir vasitədən istifadə etməyi hədəfləyir. Bu, Avropa, Asiya və Körfəz ölkələri arasında internetin böyük bir hissəsini daşıyan sualtı internet kabellərinə nəzarətdir.
İran rəsmiləri bildiriblər ki, Google, Microsoft, Meta və Amazon kimi böyük texnologiya şirkətləri bu kabellərin regiondan keçməsi üçün haqq ödəməli və İran qanunlarına riayət etməlidirlər.
“Sualtı kabellər dünya internetinin təməl daşlarıdır və onları kəsmək və ya zədələmək təkcə interneti yavaşlatmayacaq, həm də beynəlxalq bankçılığı, hərbi rabitəni, süni intellekt bulud xidmətlərini, onlayn oyunları və hətta qlobal ticarəti poza bilər”.-CNN yazıb.