Konqo Demokratik Respublikasında (KDR) tüğyan edən Ebola qızdırması qurbanlarının sayı artaraq 60 nəfərə yüksəlib.
Konsensus.az xəbər verir ki, bu barədə "Reuters" agentliyi ölkənin Səhiyyə Nazirliyinin rəsmi hesabatına istinadən məlumat yayıb. Son göstəricilərə əsasən, regional miqyasda virusa yoluxması rəsmən təsdiqlənən xəstələrin ümumi sayı da artaraq 344 nəfərə çatıb; qeyd edək ki, bundan əvvəlki hesabatlarda bu rəqəmin 321 olduğu bildirilirdi. Tibbi monitorinqlər göstərir ki, təhlükəli epidemiyanın əsas ocağı Konqonun şərq hissəsində yerləşən İturi bölgəsində qərarlaşıb. Regional təhlükə artıq qonşu dövlətlərə də sıçrayıb, belə ki, sözügedən əyalətlə həmsərhəd olan Uqanda ərazisində də virusa yoluxma ilə bağlı ilk rəsmi faktlar qeydə alınıb. (REUTERS)