Konsensus.az “BBC” xəbər portalına istinadla xəbər verir ki, BMT-nin Ümumdünya Səhiyyə Təşkilatı (ÜST) bildirib ki, hazırda hantavirusun genişmiqyaslı yayılmasına dair heç bir əlamət müşahidə olunmur. Qurumun açıqlamasına görə, virus əsasən gəmiricilər vasitəsilə yayılır və insanlar arasında ötürülməsi çox nadir hallarda baş verir.
Mütəxəssislər qeyd edirlər ki, mövcud halların diqqətlə izlənməsinə baxmayaraq, hazırkı vəziyyət ictimai sağlamlıq üçün böyük təhlükə hesab edilmir. ÜST insanlara gigiyena qaydalarına əməl etməyi və gəmiricilərlə təmasdan çəkinməyi tövsiyə edib.